Галоўнае ўпраўленне Нацыянальнага банка Рэспублікі Беларусь па Віцебскай вобласці

Паштовы адрас:
вул. Леніна, 17, 210015, г. Віцебск, Рэспубліка Беларусь
Час працы:
Панядзелак – чацвер 8:30 – 17:30
Пятніца 8:30 – 16:15
Абед 13:00–13:45
Тэлефон: +375 212 29-74-08


Галоўнае ўпраўленне Нацыянальнага банка Рэспублікі Беларусь па Віцебскай вобласці (далей – Галоўнае ўпраўленне) з'яўляецца структурным падраздзяленнем Нацыянальнага банка Рэспублікі Беларусь.

Галоўнае ўпраўленне ажыццяўляе сваю дзейнасць у адпаведнасці з заканадаўствам Рэспублікі Беларусь і Палажэннем аб Галоўным упраўленні Нацыянальнага банка Рэспублікі Беларусь па Віцебскай вобласці.

Асноўнымі задачамі Галоўнага ўпраўлення з'яўляюцца:

  • ажыццяўленне нагляднай і кантрольнай дзейнасці;
  • правядзенне маніторынгу фінансавай стабільнасці;
  • стварэнне ўмоў для бесперабойнага функцыянавання банкаўскага сектара;
  • умацаванне даверу грамадскасці да палітыкі, якая праводзіцца Нацыянальным банкам.

У адпаведнасці з асноўнымі задачамі Галоўнае ўпраўленне выконвае наступныя функцыі:

  • удзельнічае ў праверках (праводзіць праверкі) банкаў, нябанкаўскіх крэдытна-фінансавых арганізацый, юрыдычных асоб, якія не з'яўляюцца банкамі або нябанкаўскімі крэдытна-фінансавымі арганізацыямі і прызнаюцца ўваходзячымі ў склад банкаўскага холдынгу, ААТ «Банк Развіцця Рэспублікі Беларусь», лізінгавых і мікрафінансавых арганізацый;
  • удзельнічае ў падрыхтоўцы сумесна з Галоўным упраўленнем інспекцыі Нацыянальнага банка выніковых дакументаў (даведак, актаў, заключэнняў, рэкамендацый і іншых) па выніках праведзеных праверак банкаў, нябанкаўскіх крэдытна-фінансавых арганізацый, юрыдычных асоб, якія не з'яўляюцца банкамі або нябанкаўскімі крэдытна-фінансавымі арганізацыямі і прызнаюцца ўваходзячымі ў склад банкаўскіх холдынгаў, ААТ «Банк развіцця Рэспублікі Беларусь», лізінгавых і мікрафінансавых арганізацый;
  • выносіць у дачыненні да лізінгавых і мікрафінансавых арганізацый прадпісанні аб устараненні парушэнняў, выяўленых у ходзе праверак, кантралюе іх выкананне;
  • ажыццяўляе маніторынг дзейнасці фінансавых пасрэднікаў і інфармацыі аб паслугах, якія аказваюцца імі на тэрыторыі вобласці;
  • аналізуе крэдытаванне эканомікі вобласці па банках і сектарах эканомікі;
  • ажыццяўляе комплексную ацэнку фінансавага стану арганізацый вобласці, у тым ліку вывучэнне дынамікі паказчыкаў дзейнасці арганізацый, ацэнку эфектыўнасці кіравання пры змяненні макраэканамічных умоў;
  • выяўляе прычыны, якія абумоўліваюць негатыўныя тэндэнцыі ў фінансавым стане арганізацый вобласці, вызначае перспектывы захавання фінансавай стабільнасці;
  • ажыццяўляе маніторынг дзейнасці арганізацый вобласці, заснаваны на правядзенні рэгулярных апытанняў, для выяўлення тэндэнцый эканамічных працэсаў у вобласці, іх аналізу і прагнозу, рыхтуе аналітычныя матэрыялы ў рамках функцыянавання рэспубліканскай сістэмы «Маніторынг прадпрыемстваў»;
  • удзельнічае ў рэалізацыі функцый Нацыянальнага банка пры ажыццяўленні валютных аперацый;
  • выдае дазволы Нацыянальнага банка на падаўжэнне тэрмінаў завяршэння знешнегандлёвых аперацый;
  • праводзіць аналіз знешняй дэбіторскай запазычанасці арганізацый вобласці з улікам выдадзеных дазволаў;
  • удзельнічае ў арганізацыі наяўнага грашовага абарачэння, аналізуе яго стан і ўносіць прапановы па паляпшэнні арганізацыі наяўнага грашовага абарачэння, скарачэнні эмісіі наяўных грошай у вобласці;
  • арганізуе касавую работу, перавозку грашовай наяўнасці і іншых каштоўнасцей;
  • ажыццяўляе аперацыі размену (абмену) грашовай наяўнасці, вызначэнне сапраўднасці і плацежнасці банкнотаў і манет у парадку, устаноўленым Нацыянальным банкам;
  • удзельнічае ў межах кампетэнцыі Галоўнага ўпраўлення ў рэалізацыі інфармацыйнай палітыкі Нацыянальнага банка;
  • рэалізуе мерапрыемствы па павышэнні фінансавай граматнасці насельніцтва і абароне правоў спажыўцоў фінансавых паслуг на тэрыторыі вобласці;
  • разглядае звароты юрыдычных і фізічных асоб у адпаведнасці з заканадаўствам;
  • арганізуе і вядзе адміністрацыйныя працэсы ад імя Нацыянальнага банка;
  • прадастаўляе крэдытныя справаздачы з Крэдытнага рэгістра Нацыянальнага банка па запытах (заявах) суб'ектаў і карыстальнікаў крэдытных гісторый у межах прадастаўленых паўнамоцтваў;
  • ажыццяўляе іншыя функцыі, якія ў адпаведнасці з лакальнымі нарматыўнымі прававымі актамі Нацыянальнага банка замацаваны за Галоўным упраўленнем;
  • ажыццяўляе функцыі, неабходныя для забеспячэння дзейнасці Галоўнага ўпраўлення, у тым ліку вядзенне бухгалтарскага ўліку, прававое і кадравае забеспячэнне, справаводства, работу з архівам, забеспячэнне бяспекі, работу па ахове працы і пажарнай бяспецы, грамадзянскай абароне, мабілізацыйнай рабоце, суправаджэнне інфармацыйных сістэм і тэхналогій, забеспячэнне інфармацыйнай бяспекі і антывіруснай абароны, падтрымку ІТ-карыстальнікаў, эксплуатацыю будынкаў, сацыяльную работу.