Памятныя манеты "Наваселле"

Дата выпуску ў абарачэнне: 24 чэрвеня 2008 года

Дызайн: С. Някрасава (Беларусь)
Чаканка: АТ "Манетны двор Польшчы" Варшава, Польшча
  • Срэбная , проба срэбра: 925
  • намінал: 20 рублёў
  • маса манеты: 33,63 г
  • маса срэбра ў чысціні: 31,1 г
  • якасць: "брыльянт-анцыркулейтэд", з прымяненнем метаду тампадрукавання
  • дыяметр: 38,61 мм
  • тыраж: да 25 000 шт.
  • Сертыфікат: Срэбная, 20 рублёў

  • Сертыфікат
Адпускныя цэны:
  • без футарала – 37 рублёў 42 капейкі
  • у футарале – 38 рублёў 18 капеек
няма ў наяўнасці
  • Медна-нікелевая
  • намінал: 1 рубель
  • маса манеты: 13,16 г
  • якасць: "брыльянт-анцыркулейтэд"
  • дыяметр: 32 мм
  • тыраж: 5 000 шт.
Адпускныя цэны:
  • без футарала – 1 рубель 66 капеек
няма ў наяўнасці

Манеты маюць форму круга, з пярэдняга і адваротнага бакоў – выступаючы кант па акружнасці. Бакавая паверхня манет рыфлёная.

Аверс

уверсе – рэльефная выява Дзяржаўнага герба Рэспублікі Беларусь; у цэнтры – выява ката, што ўзвышаецца на паўкруглай дэкаратыўнай кампазіцыі (вобраз зямлі-карміцелькі), якая ўключае сімвалы сонца, агню "Жыжаля" і хатняга ачага, знака сям’і; пад імі ўказаны год чаканкі, на срэбнай манеце – проба сплаву і намінал: 20 РУБЛЁЎ (на срэбнай) і 1 РУБЕЛЬ (на медна-нікелевай); у верхняй частцы па крузе надпіс: РЭСПУБЛІКА БЕЛАРУСЬ.

Рэверс

На адваротным баку манет размешчаны атрыбуты дома ў выглядзе фрагмента сцяны з акном, над папярочкай якога, як сімвал адкрыцця дома, закампанаваны ключ. Шалёўка акна прадстаўлена ў выглядзе кампазіцыі з арнаментаў-сімвалаў, звязаных па сэнсу з атрыбутамі наваселля. Расчыненыя аканіцы і фіранкі сведчаць пра хатнюю ўтульнасць і гасціннасць. У ніжняй частцы манеты па крузе надпіс: НАВАСЕЛЛЕ.