Памятныя манеты "Мінск. Сталіцы краін ЕўрАзЭС"

Дата выпуску ў абарачэнне: 18 лістапада 2008 года

Дызайн: А. Навасёлава (Беларусь)
Чаканка: РДП "Казахстанскі манетны двор НБ РК", Усць-Каменагорск, Казахстан"
  • Срэбная , проба срэбра: 925
  • намінал: 20 рублёў
  • маса манеты: 33,63 г
  • маса срэбра ў чысціні: 31,1 г
  • якасць: "пруф"
  • дыяметр: 38,61 мм
  • тыраж: 7 000 шт.
Адпускныя цэны:
  • без футарала – 37 рублёў 42 капейкі
няма ў наяўнасці
  • Медна-нікелевая
  • намінал: 1 рубель
  • маса манеты: 14,35 г
  • якасць: "пруф-лайк"
  • дыяметр: 33 мм
  • тыраж: 7 000 шт.
Адпускныя цэны:
  • без футарала – 1 рубель 27 капеек
няма ў наяўнасці

Манеты маюць форму круга, з пярэдняга і адваротнага бакоў – выступаючы кант па акружнасці. На бакавой паверхні манет надпіс: СТАЛІЦЫ КРАІН ЕўрАзЭС.

Аверс

уверсе – рэльефная выява Дзяржаўнага герба Рэспублікі Беларусь; у цэнтры на фоне геаметрычнай кампазіцыі – знак Еўраазіяцкай эканамічнай супольнасці і надпіс: ЕўрАзЭС; па крузе надпісы: у верхняй частцы – РЭСПУБЛІКА БЕЛАРУСЬ, у ніжняй – год чаканкі. Акрамя гэтага на срэбнай – проба сплаву, намінал 20 РУБЛЁЎ і на медна-нікелевай – намінал 1 РУБЕЛЬ.

Рэверс

Адваротны бок манет падзелены на два паўкругі. У правай палавіне адлюстраваны будынкі гістарычнай часткі горада: Мінскай гарадской ратушы, Мінскага Свята-Духава Кафедральнага сабора, Траецкага прадмесця і сімвал міру – голуб, які ляціць. У левай палавіне – калаж з будынкаў жылога квартала г. Мінска, Нацыянальнай бібліятэкі Беларусі, а таксама сілуэтаў помніка Ф.Скарыне і людзей. У верхняй частцы манет размешчана рэльефная выява герба г. Мінска, а ў ніжняй – надпіс: МІНСК.