Памятныя манеты "Саломапляценне"

Дата выпуску ў абарачэнне: 06 лістапада 2009 года

Дызайн: С. Някрасава (Беларусь)
Чаканка: ЗАТ "Літоўскі манетны двор", Вільнюс, Літва
  • Срэбная , проба срэбра: 925
  • намінал: 20 рублёў
  • маса манеты: 33,62 г
  • маса срэбра ў чысціні: 31,1 г
  • якасць: "пруф"
  • дыяметр: 38,61 мм
  • тыраж: 5 000 шт.
Адпускныя цэны:
  • без футарала – 36 рублёў 56 капеек
няма ў наяўнасці
  • Медна-нікелевая
  • намінал: 1 рубель
  • маса манеты: 15,5 г
  • якасць: "пруф-лайк"
  • дыяметр: 33 мм
  • тыраж: 5 000 шт.
Адпускныя цэны:
  • без футарала – 1 рубель 73 капейкі
няма ў наяўнасці

Манеты маюць форму круга, з пярэдняга і адваротнага бакоў – выступаючы кант па акружнасці. Бакавая паверхня манет рыфлёная.

Аверс

у цэнтры – рэльефная выява Дзяржаўнага герба Рэспублікі Беларусь і надпісы: у верхняй частцы – РЭСПУБЛІКА БЕЛАРУСЬ, у ніжняй – намінал манеты: 20 РУБЛЁЎ (на срэбнай) і 1 РУБЕЛЬ (на медна-нікелевай); па крузе – стылізаваны вянок з лісця і кветак валошкі і канюшыны, які ўяўляе суквецце рамёстваў, цесна сплеценых паміж сабой у бясконцасць кола (сімвал даўгавечнасці, сімвал шчасця); злева – год чаканкі; справа на срэбнай манеце – проба сплаву.

Рэверс

у цэнтры – выява саламянага коніка на фоне дэкаратыўнага стылізаванага беларускага пейзажу, выкананага ў тэхніцы саламянай аплікацыі; уверсе па крузе надпіс: САЛОМАПЛЯЦЕННЕ.