Памятные манеты "Пакацігарошак. Легенды і казкі народаў краін ЕўрАзЭС"

Дата выпуску ў абарачэнне: 30 снежня 2009 года

Дызайн: С. Заскевіч (Беларусь)
Чаканка: РДП "Казахстанскі манетны двор НБ РК", Усць-Каменагорск, Казахстан"
  • Срэбная , проба срэбра: 925
  • намінал: 20 рублёў
  • маса манеты: 33,63 г
  • маса срэбра ў чысціні: 31,1 г
  • якасць: "пруф"
  • дыяметр: 38,61 мм
  • тыраж: 3 000 шт.
Адпускныя цэны:
  • без футарала – 37 рублёў 42 капейкі
няма ў наяўнасці
  • Медна-нікелевая
  • намінал: 1 рубель
  • маса манеты: 14,35 г
  • якасць: "пруф-лайк"
  • дыяметр: 33 мм
  • тыраж: 3 500 шт.
Адпускныя цэны:
  • без футарала – 1 рубель 84 капейкі
няма ў наяўнасці

Манеты маюць форму круга, з пярэдняга і адваротнага бакоў – выступаючы кант па акружнасці. На бакавой паверхні манет надпіс: ЛЕГЕНДЫ І КАЗКІ НАРОДАЎ КРАІН ЕўрАзЭС.

Аверс

уверсе – рэльефная выява Дзяржаўнага герба Рэспублікі Беларусь; у цэнтры ў абрамленні беларускага арнаменту, які сімвалізуе дабро, – адлюстраванне знака Еўраазіяцкай эканамічнай супольнасці і надпіс: ЕўрАзЭС; па абодвух баках арнаменту надпісы: злева – РЭСПУБЛІКА, справа – БЕЛАРУСЬ; у ніжняй частцы манет – намінал: 20 РУБЛЁЎ (на срэбнай) і 1 РУБЕЛЬ (на медна-нікелевай) і год чаканкі, на срэбнай уверсе справа – проба сплаву.

Рэверс

у цэнтры на фоне вясковага пейзажа і паўразбуранага замка – выявы персанажаў казкі Пакацігарошка і Цмока, а таксама ў тры радкі надпіс: ПАКАЦІГАРОШАК.