Памятная манета "Маё сэрца"

Дата выпуску ў абарачэнне: 05 студзеня 2010 года

Дызайн: С. Някрасава (Беларусь)
Чаканка: АТ "Манетны двор Польшчы" Варшава, Польшча
  • Срэбная , проба срэбра: 925
  • намінал: 20 рублёў
  • маса манеты: 28,28 г
  • маса срэбра ў чысціні: 26,16 г
  • якасць: "пруф", з устаўкай: тры сінтэтычных крышталі
  • дыяметр: 38,61 мм
  • тыраж: да 10 000 шт.
Адпускныя цэны:
  • у футарале – 31 рубель 48 капеек
няма ў наяўнасці

Манета мае форму круга, з пярэдняга і адваротнага бакоў – выступаючы кант па акружнасці. Бакавая паверхня манеты з насечкай.

Аверс

уверсе па цэнтру манеты – рэльефная выява Дзяржаўнага герба Рэспублікі Беларусь; уверсе па крузе надпіс: РЭСПУБЛІКА БЕЛАРУСЬ; у цэнтры – стылізаваная выява сэрца, паверхня якога запоўнена фактурай з лятаючых матылькоў, па перыметру на чатырох мовах (беларускай, рускай, англійскай і польскай) надпісы: Маё сэрца, Мое сердце, My heart, Moje serce; унізе – намінал 20 рублёў, год чаканкі, проба сплаву і фірменны (таварны) знак Манетнага двара Польшчы.

Рэверс

на паверхні, запоўненай фактурай з галінак, кветак і матылькоў, – стылізаваная выява сэрца з трыма ўстаўкамі з сінтэтычнага крышталя.