Памятная манета "Полацк. Ганзейскі саюз"

Дата выпуску ў абарачэнне: 28 снежня 2011 года

Дызайн: Д. Сураевска (Польшча)
Чаканка: АТ "Манетны двор Польшчы" Варшава, Польшча
  • Срэбная , проба срэбра: 925
  • намінал: 20 рублёў
  • маса манеты: 28,28 г
  • маса срэбра ў чысціні: 26,16 г
  • якасць: "пруф"
  • дыяметр: 38,61 мм
  • тыраж: да 7 000 шт.
Адпускныя цэны:
  • без футарала – 54 рублі 05 капеек
  • у футарале – 59 рублёў 52 капейкі

Манета мае форму круга, з пярэдняга i адваротнага бакоў – кант, якi выступае па акружнасцi. Бакавая паверхня манеты без насечкі.

Аверс

уверсе па крузе на стужцы надпіс: HANSA; пад ёй справа на фоне стылізаванай карты з гандлёвымі маршрутамі – выява гандлёвага парусніка; справа ад яго – выявы трызубца – атрыбута рымскага бога мораў Нептуна (грэчаскага Пасейдона) і кадуцэі – атрыбута рымскага бога гандлю Меркурыя (грэчаскага Гермеса); злева на манеце – рэльефны вiдарыс Дзяржаўнага герба Рэспублiкi Беларусь, па крузе герба надпіс: РЭСПУБЛIКА БЕЛАРУСЬ і год чаканкі, унізе манеты – намінал 20 РУБЛЁЎ, проба сплаву і фірменны (таварны) знак Манетнага двара Польшчы.

Рэверс

уверсе па крузе надпіс: ПОЛАЦК; у цэнтры на фоне рэканструкцыі старажытнага горада – выява сцэны гандлю на гарадскім рынку; злева – рэльефная выява герба горада.