Памятная манета "Зубры"

Дата выпуску ў абарачэнне: 28 снежня 2012 года

Дызайн: С. Заскевіч (Беларусь)
Чаканка: ТАА "Б.Х. Маерс Кунстпрэгеанштальт", Карлсфельд, Германія
  • Срэбная , проба срэбра: 999
  • намінал: 20 рублёў
  • маса манеты: 31,1 г
  • маса срэбра ў чысціні: 31,1 г
  • якасць: "пруф", з устаўкамі з фіянітаў
  • дыяметр: 38,61 мм
  • тыраж: 4 000 шт.
Адпускныя цэны:
  • без футарала – 67 рублёў 85 капеек
  • у футарале – 73 рублі 26 капеек

Манета мае форму круга, з пярэдняга і адваротнага бакоў – кант, які выступае па акружнасці. Бакавая паверхня манеты рыфлёная.

Аверс

у цэнтры ў крузе, абрамленым геаметрычным арнаментам, – рэльефны відарыс Дзяржаўнага герба Рэспублікі Беларусь, пад ім – год чаканкі, злева – проба сплаву; па крузе надпісы: уверсе – РЭСПУБЛІКА БЕЛАРУСЬ, унізе – намінал 20 РУБЛЁЎ.

Рэверс

у цэнтры – рэльефная выява двух зуброў, у вачах – устаўкі з сінтэтычных крышталёў; па крузе надпісы: уверсе – ЗУБРЫ, унізе – BISON BONASUS.