Памятныя манеты "Слуцкія паясы. Шляхецкі касцюм"

Дата выпуску ў абарачэнне: 20 снежня 2013 года

Дызайн: С. Някрасава (Беларусь)
Чаканка: ЗАТ "Літоўскі манетны двор", Вільнюс, Літва
Адпускныя цэны:
  • у футарале – 59 рублёў 80 капеек
Адпускныя цэны:
  • без футарала – 7 рублёў 48 капеек
  • у футарале – 16 рублёў 07 капеек

Манеты маюць форму круга, з пярэдняга і адваротнага бакоў – кант, які выступае па акружнасці, гурт з насечкай.

Аверс

уверсе – рэльефны відарыс Дзяржаўнага герба Рэспублікі Беларусь; у цэнтры манеты ў крузе – выява фрагмента аднабаковага пояса, які выраблены на Слуцкай мануфактуры (1776–1780) і знаходзіцца ў калекцыі Нацыянальнага музея гісторыі і культуры Беларусі (на срэбнай манеце фрагмент пояса выкананы метадам тампадрукавання); па знешнім крузе ўверсе надпіс: РЭСПУБЛІКА БЕЛАРУСЬ; злева – год чаканкі, справа – проба сплаву (на срэбнай манеце) і мастацкі элемент (на медна-нікелевай), унізе – намінал: 20 РУБЛЁЎ (на срэбнай) і 1 РУБЕЛЬ (на медна-нікелевай).

Рэверс

злева па крузе надпіс: СЛУЦКІЯ ПАЯСЫ. ШЛЯХЕЦКІ КАСЦЮМ; злева – выява фігуры мужчыны (шляхціца) у традыцыйным касцюме, падпяразаным слуцкім поясам; справа – стылізаваная выява яго генеалагічнага дрэва як сімвала шляхецкага роду.