Памятныя манеты "Еўразійскі эканамічны саюз"

Дата выпуску ў абарачэнне: 19 кастрычніка 2015 года

Дызайн: А. Навасёлава (Беларусь)
Чаканка: "Маскоўскі манетны двор Дзяржзнака", Масква, Расія
  • Срэбная , проба срэбра: 925
  • намінал: 20 рублёў
  • маса манеты: 33,94 г
  • маса срэбра ў чысціні: 31,1 г
  • якасць: "пруф"
  • дыяметр: 39 мм
  • тыраж: 750 шт.
Адпускныя цэны:
  • без футарала – 60 рублёў 00 капеек
няма ў наяўнасці
  • Медна-нікелевая
  • намінал: 1 рубель
  • маса манеты: 14,35 г
  • якасць: "пруф-лайк"
  • дыяметр: 33 мм
  • тыраж: 2 000 шт.
Адпускныя цэны:
  • без футарала – 7 рублёў 00 капеек
няма ў наяўнасці

Манеты маюць форму круга, з пярэдняга і адваротнага бакоў – кант, які выступае па акружнасці. Бакавая паверхня манет з насечкай.

Аверс

у цэнтры ў крузе, апраўленым геаметрычным арнаментам, – рэльефны відарыс Дзяржаўнага герба Рэспублікі Беларусь, па крузе надпісы: уверсе – РЭСПУБЛІКА БЕЛАРУСЬ, унізе – намінал 20 РУБЛЁЎ (на срэбнай) і 1 РУБЕЛЬ (на медна-нікелевай); у полі вонкавага круга – стылізаваныя выявы людзей, птушак, коннікаў, дамоў, якія сімвалізуюць дабрабыт і росквіт; унізе справа – год чаканкі; злева – проба сплаву (на срэбнай манеце).

Рэверс

у цэнтры – ромб, апраўлены геаметрычным арнаментам, у полі якога знаходзяцца эмблема Еўразійскага эканамічнага саюза і кругавы надпіс: ЕЎРАЗІЙСКІ ЭКАНАМІЧНЫ САЮЗ; вакол ромба – стылізаваная выява людзей, якія ўзяліся за рукі, дамоў і птушак, што сімвалізуе агульны дом і яднанне народаў. Стылізаваныя выявы выкананы метадам лазернага гравіравання.