Памятныя манеты "Алімпійскія гульні 2016 года. Веславанне на байдарках і каноэ"

Дата выпуску ў абарачэнне: 14 чэрвеня 2016 года

Дызайн: А. Навасёлава (Беларусь)
Чаканка: ЗАТ "Літоўскі манетны двор", Вільнюс, Літва
  • Срэбная , проба срэбра: 925
  • намінал: 20 рублёў
  • маса манеты: 33,62 г
  • маса срэбра ў чысціні: 31,1 г
  • якасць: "пруф"
  • дыяметр: 38,61 мм
  • тыраж: 750 шт.
Адпускныя цэны:
  • без футарала – 95 рублёў 00 капеек
няма ў наяўнасці
  • Медна-нікелевая
  • намінал: 1 рубель
  • маса манеты: 15,5 г
  • якасць: "пруф-лайк"
  • дыяметр: 33 мм
  • тыраж: 2 000 шт.
Адпускныя цэны:
  • без футарала – 18 рублёў 00 капеек
няма ў наяўнасці

Манеты маюць форму круга, з пярэдняга і адваротнага бакоў – кант, які выступае па акружнасці. Бакавая паверхня манет з насечкай.

Аверс

у цэнтры ў крузе – рэльефны відарыс Дзяржаўнага герба Рэспублікі Беларусь, па крузе надпісы: уверсе – РЭСПУБЛІКА БЕЛАРУСЬ, унізе – намінал 20 РУБЛЁЎ (на срэбнай) і 1 РУБЕЛЬ (на медна-нікелевай); у полі знешняга круга – стылізаваная выява воднай паверхні; унізе справа – год чаканкі, злева – проба сплаву (на срэбнай).

Рэверс

у цэнтры – стылізаваныя выявы спартсменаў у люстраным адбітку: уверсе – на каноэ, унізе – на байдарцы; па крузе надпісы: уверсе – ВЕСЛАВАННЕ НА БАЙДАРКАХ І КАНОЭ, унізе – АЛІМПІЙСКІЯ ГУЛЬНІ 2016.