Памятныя манеты "Сёмуха"

Дата выпуску ў абарачэнне: 07 чэрвеня 2006 года

Дызайн: С. Заскевіч (Беларусь)
Чаканка: ЗАТ "Літоўскі манетны двор", Вільнюс, Літва
  • Срэбная , проба срэбра: 925
  • намінал: 20 рублёў
  • маса манеты: 33,62 г
  • маса срэбра ў чысціні: 31,1 г
  • якасць: "анцыркулейтэд", Паверхня манет аксідзіравана. Устаўка з сінтэтычнага крышталя
  • дыяметр: 38,61 мм
  • тыраж: 5 000 шт.
Адпускныя цэны:
  • без футарала – 37 рублёў 42 капейкі
няма ў наяўнасці
  • Медна-нікелевая
  • намінал: 1 рубель
  • маса манеты: 16 г
  • якасць: "анцыркулейтэд"
  • дыяметр: 33 мм
  • тыраж: 5 000 шт.
няма ў наяўнасці

Манеты маюць форму круга, з пярэдняга i адваротнага бакоў – выступаючы кант па акружнасцi. Гурт манет рыфлёны. Паверхня манет аксiдзiравана.

Аверс

у крузе, абведзеным геаметрычным арнаментам, – рэльефная выява Дзяржаўнага герба Рэспублiкi Беларусь; у цэнтры – салярны знак у выглядзе васьмiканцовай геаметрычнай фiгуры з элементамi дэкору, якi сiмвалiзуе сабой сонечныя промнi; пад iм указаны: год чаканкi, на срэбнай манеце – проба сплаву; па крузе надпiсы: у верхняй частцы – РЭСПУБЛIКА БЕЛАРУСЬ, у нiжняй – ДВАЦЦАЦЬ РУБЛЁЎ (на срэбнай) i АДЗIН РУБЕЛЬ (на медна-нiкелевай).

Рэверс

у цэнтры ў абрамленнi калон рэльефнае адлюстраванне сiмвалаў свята Сёмухi – чашы i вянка з лiсткоў бярозы, клёна, рабiны, аера (на срэбнай манеце ў аздобе чашы зроблена ўстаўка з сiнтэтычнага крышталя зялёнага колеру); злева i справа – рэльефныя элементы беларускага нацыянальнага арнаменту; унiзе па крузе надпiс: СЁМУХА.