Памятныя манеты "Масленіца"

Дата выпуску ў абарачэнне: 07 лютага 2007 года

Дызайн: С. Заскевіч (Беларусь)
Чаканка: ЗАТ "Літоўскі манетны двор", Вільнюс, Літва
  • Срэбная , проба срэбра: 925
  • намінал: 20 рублёў
  • маса манеты: 33,62 г
  • маса срэбра ў чысціні: 31,1 г
  • якасць: "анцыркулейтэд", Паверхня манет аксідзіравана. Устаўка з сінтэтычнага крышталя
  • дыяметр: 38,61 мм
  • тыраж: 5 000 шт.
Адпускныя цэны:
  • без футарала – 37 рублёў 42 капейкі
няма ў наяўнасці
  • Медна-нікелевая
  • намінал: 1 рубель
  • маса манеты: 16 г
  • якасць: "анцыркулейтэд"
  • дыяметр: 33 мм
  • тыраж: 5 000 шт.
няма ў наяўнасці

Манеты маюць форму круга, з пярэдняга і адваротнага бакоў – выступаючы кант па акружнасці. Бакавая паверхня манет рыфлёная.

Аверс

у крузе, абрамленым геаметрычным арнаментам, – рэльефная выява Дзяржаўнага герба Рэспублікі Беларусь; у цэнтры – салярны знак у выглядзе васьміканцовай геаметрычнай фігуры з элементамі дэкору, які сімвалізуе сонечныя промні; пад ім указаны: год чаканкі, на срэбнай манеце – проба сплаву; па крузе надпісы: у верхняй частцы – РЭСПУБЛІКА БЕЛАРУСЬ, у ніжняй – ДВАЦЦАЦЬ РУБЛЁЎ (на срэбнай) і АДЗІН РУБЕЛЬ (на медна-нікелевай).

Рэверс

у цэнтры рэльефнае адлюстраванне нязменнага атрыбута свята Масленіца – бліноў, пад імі – гліняны гаршчочак са смятанай і драўлянай лыжкай; уверсе – рэльефная выява сонца і сняжынак, якія сімвалізуюць сустрэчу зімы з вясной ( на срэбнай манеце ў цэнтры сонца зроблена ўстаўка з сінтэтычнага крышталя жоўтага колеру); злева і справа – рэльефныя элементы беларускага нацыянальнага арнаменту; унізе па крузе надпіс: МАСЛЕНІЦА.