Агляд інфляцыі. Снежань 2019 года

У снежні 2019 г. гадавы прырост спажывецкіх цэн запаволіўся на 0,3 працэнтнага пункта і склаў 4,7 працэнта пры мэтавым параметры не больш за 5 працэнтаў.

Адносна лістапада спажывецкія цэны ў снежні 2019 г. выраслі на 0,5 працэнта.

Прырост спажывецкіх цэн
(у працэнтах да адпаведнага месяца папярэдняга года)

Дынаміка цэнавых індыкатараў
(у гадавым выражэнні)

Базавая інфляцыя
(у працэнтах да адпаведнага месяца папярэдняга года)

Адміністрацыйна рэгулюемыя цэны і тарыфы
(у працэнтах да адпаведнага месяца папярэдняга года)

Сезонныя цэны (на плодаагароднінную прадукцыю)
(у працэнтах да адпаведнага месяца папярэдняга года)

Агрэгіраваны паказчык трэндавай інфляцыі
(у працэнтах да адпаведнага месяца папярэдняга года)

Агульная характарыстыка змянення спажывецкіх цэн

У снежні 2019 г. назіралася далейшае запаволенне гадавой дынамікі базавай інфляцыі, а таксама цэн на плодаагароднінную прадукцыю пры захаванні гадавых тэмпаў росту рэгулюемых цэн і тарыфаў на ўзроўні папярэдняга месяца.

Гадавая базавая інфляцыя дэманструе запаволенне на працягу апошніх чатырох месяцаў. У снежні 2019 г. яна знізілася да 3,5 працэнта (3,7 працэнта ў лістападзе 2019 г.). Асноўны ўплыў на сыходную траекторыю руху свабодных цэн аказала запаволенне росту цэн на прадукты харчавання.

Падобная дынаміка характэрная і для цэнавых індыкатараў, ачышчаных ад уплыву кароткачасовых шокаў. Агрэгіраваны паказчык трэндавай інфляцыі ў гадавым выражэнні запавольваецца, пачынаючы з верасня 2019 г. У снежні 2019 г. ён склаў 3,6 працэнта. Сярэдняя інтэнсіўнасць прыросту спажывецкіх цэн пры гэтым паменшылася да 3,7 працэнта.

Гадавы прырост рэгулюемых цэн і тарыфаў у снежні 2019 г. захаваўся на ўзроўні 7,5 працэнта. Асноўны ўклад у павелічэнне цэн і тарыфаў па дадзенай групе па выніках года забяспечыла павышэнне кошту паслуг ЖКГ, паліва, паслуг сувязі.

Цэны на плодаагароднінную прадукцыю ў гадавым выражэнні выраслі ў снежні 2019 г. на 8,9 працэнта, што на 3,2 працэнтнага пункта ніжэй за ўзровень папярэдняга месяца, з прычыны больш нізкіх гадавых тэмпаў росту сезонных цэн на гародніну і бульбу.

Дынаміка спажывецкіх цэн
(у гадавым выражэнні)

Дынаміка паказчыкаў інфляцыі
(у гадавым выражэнні)

Метадалагічныя тлумачэнні  Архіў