Інфармацыя пра дынаміку змянення спажывецкіх цэн і тарыфаў.
Ліпень 2018 года.

У ліпені 2018 г. гадавы прырост спажывецкіх цэн захаваўся на ўзроўні папярэдняга месяца і склаў 4,1 працэнта.

Адносна чэрвеня ў ліпені 2018 г. спажывецкія цэны знізіліся на 0,16 працэнта.

Прырост спажывецкіх цэн
(у працэнтах да адпаведнага месяца папярэдняга года)

Дынаміка цэнавых індыкатараў
(у гадавым выражэнні)

Базавая інфляцыя
(у працэнтах да адпаведнага месяца папярэдняга года)

Адміністрацыйна рэгулюемыя цэны і тарыфы
(у працэнтах да адпаведнага месяца папярэдняга года)

Сезонныя цэны (на плодаагароднінную прадукцыю)
(у працэнтах да адпаведнага месяца папярэдняга года)

Агрэгіраваны паказчык трэндавай інфляцыі
(у працэнтах да адпаведнага месяца папярэдняга года)

Агульная характарыстыка змянення спажывецкіх цэн

У ліпені 2018 г. назіралася ўмераная дынаміка базавай інфляцыі і рэгулюемых цэн пры далейшым зніжэнні сезонных цэн (на плодаагароднінную прадукцыю).

Цэны на плодаагароднінную прадукцыю ў ліпені 2018 г. знізіліся на 7,3 працэнта адносна ліпеня 2017 г. Зніжэнне цэн за месяц склала рэкордныя для гэтага перыяду года 10,3 працэнта, раней максімальнае зніжэнне было зафіксавана ў ліпені 2002 г. – тады цэны на плодаагароднінную прадукцыю знізіліся на 11,2 працэнта. Найбольшы ўплыў на агульнае зніжэнне цэн па гэтай групе тавараў у гадавым выражэнні аказала патанненне памідораў і агуркоў свежых, бананаў і капусты белакачаннай.

Гадавы прырост адміністрацыйна рэгулюемых цэн і тарыфаў у гадавым выражэнні ў ліпені 2018 г. захаваўся на ўзроўні 9,1 працэнта. Асноўны ўплыў на месячны прырост цэн у гэтым сегменце аказала павышэнне коштаў паслуг сувязі, а таксама тытунёвых вырабаў.

Гадавая базавая інфляцыя ў апошнія пяць месяцаў захоўваецца на ўзроўні каля 3 працэнтаў. Пры гэтым, як і месяцам раней, значны ўплыў на змяненне цэн у гэтым сегменце ў ліпені аказаў рост цэн на мяса і мясапрадукты, аднак гэты ўплыў быў кампенсаваны ўмераным зніжэннем цэн на асобныя тавары як у харчовым, так і нехарчовым сегментах спажывецкага рынку.

Агрэгатаваны паказчык трэндавай інфляцыі пачынаючы з сакавіка 2018 г. захоўваецца на ўзроўні 3,2 працэнта ў гадавым выражэнні, сярэдняя інтэнсіўнасць прыросту спажывецкіх цэн у ліпені 2018 г. знізілася да 2,5 працэнта, што сведчыць аб захаванні стабільнай цэнавай сітуацыі на спажывецкім рынку.

Дынаміка спажывецкіх цэн
(у гадавым выражэнні)

Дынаміка паказчыкаў інфляцыі
(у гадавым выражэнні)

Метадалагічныя тлумачэнні  Архіў