Выдача дазволаў на прадаўжэнне тэрмінаў завяршэння знешнегандлёвых аперацый

Інструкцыя аб парадку выдачы дазволаў на прадаўжэнне тэрмінаў завяршэння знешнегандлёвых аперацый у новай рэдакцыі (далей – Інструкцыя) зацверджана пастановай Праўлення Нацыянальнага банка Рэспублікі Беларусь ад 1 жнiўня 2018 г. № 348 "Аб унясенні змяненняў і дапаўненняў у пастанову Праўлення Нацыянальнага банка Рэспублікі Беларусь ад 22 красавіка 2009 г. № 52".

Звяртаем асаблівую ўвагу, што пастанова № 348 не змяніла ўстаноўленыя заканадаўствам тэрміны. Падпунктамі 4.1 і 4.2 пункта 4 Інструкцыі прадугледжана пераразмеркаванне паўнамоцтваў у прадаўжэнне тэрмінаў завяршэння знешнегандлёвых аперацый паміж галоўнымі ўпраўленнямі і цэнтральным апаратам Нацыянальнага банка.

У адпаведнасці з указанай Інструкцыяй рэзідэнты пры неабходнасці атрымання дазволу на прадаўжэнне тэрміну(аў) завяршэння знешнегандлёвай(ых) аперацыі(й) (далей па тэксце – дазвол) накіроўваюць заяву:

у Нацыянальны банк (пр-т Незалежнасці, 20, 220008, г. Мінск):

  • пры экспарце – калі тэрмін, які вылічваецца з даты адгрузкі тавараў (перадачы ахоўнай інфармацыі, выключных правоў на вынікі інтэлектуальнай дзейнасці, выканання работ, аказання паслуг), перавышае ўстаноўлены заканадаўствам тэрмін больш чым на 185 каляндарных дзён;
  • пры імпарце – калі тэрмін, які вылічваецца з даты правядзення плацяжу, перавышае ўстаноўлены заканадаўствам тэрмін больш чым на 275 каляндарных дзён;
  • калі рэзідэнт зарэгістраваны на тэрыторыі г. Мінска і Мінскай вобласці;

у галоўнае ўпраўленне Нацыянальнага банка па вобласцi па месцы рэгістрацыі рэзідэнта:

  • пры экспарце – калі тэрмін, які вылічваецца з даты адгрузкі тавараў (перадачы ахоўнай інфармацыі, выключных правоў на вынікі інтэлектуальнай дзейнасці, выканання работ, аказання паслуг), перавышае ўстаноўлены заканадаўствам тэрмін не больш чым на 185 каляндарных дзён;
  • пры імпарце – калі тэрмін, які вылічваецца з даты правядзення плацяжу, перавышае ўстаноўлены заканадаўствам тэрмін не больш чым на 275 каляндарных дзён.

Для атрымання дазволу або ўнясення змяненняў у раней выдадзены дазвол рэзідэнт прадстаўляе наступныя дакументы:

  • Заяву рэзідэнта прыкладнай формы, прадугледжанай дадаткам 1 да Інструкцыі.
  • Копію знешнегандлёвага дагавора або іншага дакумента, які пацвярджае факт заключэння знешнегандлёвага дагавора, а таксама копію (копіі) дакумента(аў), з дапамогай якога(іх) аформлена знешнегандлёвая аперацыя.
  • Інфармацыю ў пісьмовым выглядзе, атрыманую ў тым ліку ад контрагента па знешнегандлёвым дагаворы (іншага ўдзельніка знешнегандлёвай здзелкі), якая можа быць выкарыстана ў абгрунтаванні немагчымасці выканання дагаворных абавязацельстваў у тэрмін, устаноўлены заканадаўствам, з улікам склаўшыхся абставін і (або) аб'ектыўных прычын, якія змяшчаюць указанне на запланаваную дату выканання абавязацельстваў, а таксама іншыя звесткі і (або) дакументы, якія пацвярджаюць завяршэнне знешнегандлёвай аперацыі ў тэрмін, што перавышае ўстаноўлены заканадаўствам, альбо немагчымасць яе завяршэння ў тэрмін, устаноўлены заканадаўствам (пры наяўнасці).
  • Копіі дакументаў (перапіска, прынятыя рашэнні, выканаўчыя лісты і інш.) судовых органаў аб выкананні контрагентам па здзелцы абавязацельства (пры наяўнасці).
  • Хадайніцтва адпаведнага вышэйшага дзяржаўнага органа, аблвыканкама або Мінскага гарвыканкама, у падпарадкаванні (складзе) якога знаходзіцца рэзідэнт (для арганізацый без ведамаснай падпарадкаванасці і індывідуальных прадпрымальнікаў – аблвыканкама або Мінскага гарвыканкама), пры ўмове паўторнага звароту па прадаўжэнне тэрмінаў завяршэння знешнегандлёвых аперацый па здзелках, заключаных з адным і тым жа нерэзідэнтам на працягу 12 месяцаў, што папярэднічаюць даце звароту рэзідэнта ў Нацыянальны банк (пры наяўнасці).
  • Хадайніцтва дзяржаўнага органа (дзяржаўнай арганізацыі), аблвыканкама або Мінскага гарвыканкама (прадстаўляецца для прадаўжэння тэрміну завяршэння знешнегандлёвай аперацыі, калі неабходнасць прадстаўлення такога хадайніцтва вызначаецца Нацыянальным банкам (галоўнымі ўпраўленнямі Нацыянальнага банка па абласцях), за выключэннем юрыдычных асоб, падпарадкаваных Кіраўніцтву справамі Прэзідэнта Рэспублікі Беларусь, іншаму дзяржаўнаму органу або дзяржаўнай арганізацыі, падпарадкаваным (падсправаздачным) Прэзідэнту Рэспублікі Беларусь, Нацыянальнай акадэміі навук Беларусі.
  • Копіі дакументаў (пры наяўнасці), якiя абгрунтоўваюць неабходнасць унясення змяненняў у дазвол.

Рэзідэнт мае права прадставіць таксама іншыя дакументы, не вызначаныя ў пераліку дакументаў. Правільнасць копій дакументаў, што прадстаўляюцца на папяровым носьбіце, павінна быць засведчана подпісам кіраўніка (яго намеснiка) юрыдычнай асобы (індывідуальнага прадпрымальніка) альбо ўпаўнаважаных ім асоб. Прымяненне факсімільнага подпісу не дапускаецца. Звяртаем увагу, што пры завярэнні дакументаў упаўнаважанай асобай права падпісання дакументаў неабходна пацвярджаць шляхам прадастаўлення ў пакеце дакументаў даверанасці, якая адлюстроўвае паўнамоцтвы асобы.

Дакументы могуць прадстаўляцца ў выглядзе электроннага дакумента з захаваннем патрабаванняў заканадаўства аб электронным дакуменце і электронным лічбавым подпісе. Дакументы і (або) іх копіі прадстаўляюцца на адной з дзяржаўных моў Рэспублікі Беларусь.

Адказнасць за дакладнасць інфармацыі, правільнасць афармлення (запаўнення) прадстаўленых дакументаў і (або) іх копій нясе заяўнік.

Звяртаем увагу, што Інструкцыяй прадугледжана прыкладная форма заявы на прадаўжэнне тэрмінаў завяршэння знешнегандлёвых аперацый (унясенне змяненняў у дазвол) (далей – заява). Узор запаўнення заявы

Пры запаўненні заявы неабходна звярнуць асаблівую ўвагу:

У графе 6 заявы "Від знешнегандлёвай аперацыі па дагаворы" ўказваецца від знешнегандлёвай дзейнасці:

экспарт тавараў імпарт тавараў
экспарт работ імпарт работ
экспарт паслуг імпарт паслуг
экспарт ахоўнай інфармацыі імпарт ахоўнай інфармацыі
экспарт правоў на вынікі інтэлектуальнай дзейнасці імпарт правоў на вынікі інтэлектуальнай дзейнасці

У графе 7 заявы "Нумар дагавора, дата яго заключэння" ўказваецца толькі адзін знешнегандлёвы дагавор. Пры неабходнасці прадаўжэння тэрмінаў завяршэння знешнегандлёвых аперацый па іншым знешнегандлёвым дагаворы складаецца новая заява.

У графе 8 заявы "Рэгістрацыйны нумар здзелкі (пры наяўнасці)" указваецца рэгістрацыйны нумар здзелкі або інфармацыя аб тым, што рэгістрацыя не патрабуецца. Калі рэгістрацыйны нумар здзелкі адсутнічае на першым лісце знешнегандлёвага дагавора, прадстаўляецца копія заявы на рэгістрацыю з прысвоеным банкам рэгістрацыйным нумарам здзелкі.

У графе 9 заявы "Сума знешнегандлёвай аперацыі, тэрмін завяршэння якой неабходна прадоўжыць, дата, нумар, найменне дакумента, якім яна аформлена" пры неабходнасці прадаўжэння тэрмінаў завяршэння некалькіх знешнегандлёвых аперацый у рамках аднаго знешнегандлёвага дагавора пералічваюцца ўсе знешнегандлёвыя аперацыі з указаннем неабходнай для прадаўжэння сумы, даты, нумара і найменне дакумента, якім аформлена знешнегандлёвая аперацыя, і прысваеннем аперацыі парадкавага нумара. Указваецца сума, адлюстраваная ў дакуменце, якім аформлена знешнегандлёвая аперацыя (ТН, ТТН, дэкларацыя на тавары, СMR, плацежнае даручэнне, акт прыёмкі-здачы выкананых работ, акт прыёмкі аказаных паслуг і т. д.), тэрмін завяршэння якой неабходна прадоўжыць.

ВАЖНА! Пры частковым завяршэнні знешнегандлёвай аперацыі ў тэрміны, устаноўленыя дагаворам і / або заканадаўствам (папярэднім дазволам), у заяве трэба ўказаць суму, за вылікам сумы, на якую знешнегандлёвая аперацыя завершана, і ў раздзеле заявы «дадатковая інфармацыя» трэба адлюстраваць адпаведную тлумачальную інфармацыю. У графе 9 не патрабуецца ўказваць усю суму па знешнегандлёвым дагаворы.

У графе 12 заявы "Запытаная дата завяршэння знешнегандлёвай аперацыі і абгрунтаванне неабходнасці прадаўжэння тэрміну завяршэння знешнегандлёвай аперацыі да ўказанай даты" ўказваецца:

  • планаваная (запытаная) дата завяршэння знешнегандлёвай аперацыі;
  • абгрунтаванне неабходнасці прадаўжэння тэрміну завяршэння знешнегандлёвай аперацыі да ўказанай даты – інфармацыя, якая пацвярджае немагчымасць выканання абавязацельстваў у тэрміны, устаноўленыя знешнегандлёвым дагаворам і / або заканадаўствам Рэспублікі Беларусь, зыходзячы з існуючых абставін і (або) аб'ектыўных прычын немагчымасці выканання абавязацельстваў. Пры гэтым, калі ўказаная інфармацыя пацвярджаецца пісьмамі контрагента-нерэзідэнта, прадстаўляюцца іх завераныя ва ўстаноўленым парадку копіі. Акрамя таго, неабходна ўказаць, якая работа праводзілася рэзідэнтам па завяршэнні знешнегандлёвых аперацый да моманту звароту ў Нацыянальны банк (галоўнае ўпраўленне па вобласці). Гэту інфармацыю можна адлюстраваць у раздзеле "Дадатковая інфармацыя".

У графе 13 заявы "Неаднаразовае прыцягненне да адміністрацыйнай адказнасці за парушэнне заканадаўства Рэспублікі Беларусь у галіне знешнегандлёвай дзейнасці на працягу 12 месяцаў, што папярэднічаюць даце дадзенага звароту" пры наяўнасці факта(аў) прыцягнення рэзідэнта да адміністрацыйнай адказнасці трэба зазначыць нумары і даты пастаноў органаў, якiя наклалі названыя вышэй адміністрацыйныя спагнанні.

У графе 14 заявы "Наяўнасць судовай вытворчасці, звязанай з правядзеннем указаных знешнегандлёвых аперацый" указваецца дата і нумар вызначэння судовага органа аб прыняцці іскавай заявы рэзідэнта. Пры наяўнасці судовага рашэння, загада, выканаўчага ліста і інш. указваюцца даты і нумары гэтых дакументаў.

У выпадку ўрэгулявання спрэчкі ў прэтэнзійным парадку трэба ўказаць дату і нумар прэтэнзіі, накіраванай нерэзідэнту. Факт накіроўвання прэтэнзіі пацвярджаецца копіяй квітанцыі паштовага аператара альбо паведамленнем аб атрыманні / неатрыманні прэтэнзіі нерэзідэнтам.

У графе 15 заявы "Наяўнасць хадайніцтва вышэйшага дзяржаўнага органа альбо выканаўчага камітэта, у падпарадкаванні (складзе) якога знаходзіцца рэзідэнт" указваецца дата і нумар указанага хадайніцтва або інфармацыя аб факце звароту ў вышэйшы дзяржаўны орган па атрыманне хадайніцтва.

У графе 16 "Паўторнае (чарговае) прадаўжэнне знешнегандлёвых аперацый (з пералічаных у графе 9), нумары і даты выдадзеных дазволаў" указваецца інфармацыя аб чарговасці звароту рэзідэнта па прадаўжэнне тэрміну завяршэння па тых знешнегандлёвых аперацыях, якія пазначаны ў графе 9. Пры паўторным (чарговым ) звароце па падаўжэнне тэрміну завяршэння знешнегандлёвых аперацый указваюцца даты і нумары раней выдадзеных Нацыянальным банкам (галоўнае ўпраўленне па вобласці) дазволаў (не менш за тры папярэднія пры іх наяўнасці).

Пры звароце трэба ўлічваць, што ў выпадках, прадугледжаных пастановай Савета Міністраў Рэспублікі Беларусь і Нацыянальнага банка Рэспублікі Беларусь ад 5 лістапада 2011 г. № 1483/22 "Аб устанаўленні тэрмінаў завяршэння знешнегандлёвых аперацый па асобных відах знешнегандлёвых дагавораў і ўмовах прадаўжэння тэрмінаў завяршэння знешнегандлёвых аперацый" і (або) вызначаных Нацыянальным банкам, прадаўжэнне тэрмінаў завяршэння знешнегандлёвых аперацый магчыма пры наяўнасці хадайніцтва адпаведнага вышэйстаячага дзяржаўнага органа, аблвыканкама або Мінскага гарвыканкама, у падпарадкаванні (складзе) якога знаходзіцца рэзідэнт (для арганізацый без ведамаснай падпарадкаванасці і індывідуальных прадпрымальнікаў – аблвыканкама ці Мінскага гарвыканкама).

У мэтах скарачэння часовых выдаткаў заяўнікаў і аптымізацыі дакументаабароту мэтазгодна прадстаўленне ў Нацыянальны банк (яго галоўныя ўпраўленні па абласцях) усіх неабходных дакументаў (у тым ліку вышэйшага хадайніцтва ва ўстаноўленых выпадках) адначасова.

У адпаведнасці з пунктам 14 Інструкцыі выдача дазволу ажыццяўляецца на працягу 15 каляндарных дзён з даты паступлення ўсіх неабходных і належным чынам аформленых дакументаў у Нацыянальны банк альбо ў галоўнае ўпраўленне Нацыянальнага банка Рэспублікі Беларусь па вобласці.

Пералік дакументаў, што прадстаўляюцца рэзідэнтамі ў Нацыянальны банк для прадаўжэння тэрмінаў завяршэння знешнегандлёвых аперацый, а таксама парадак звароту выкладзены ў Інструкцыі аб парадку выдачы дазволаў на прадаўжэнне тэрмінаў завяршэння знешнегандлёвых аперацый, зацверджанай пастановай Праўлення Нацыянальнага банка Рэспублікі Беларусь ад 22 красавіка 2009 г. № 52 (далей – Інструкцыя № 52).

У мэтах выканання патрабаванняў Указа Прэзідэнта Рэспублікі Беларусь ад 4 красавіка 2013 г. № 157 "Аб унясенні змяненняў і дапаўненняў у некаторыя ўказы Прэзідэнта Рэспублікі Беларусь" аб неабходнасці скарачэння колькасці дакументаў на папяровым носьбіце дзяржаўныя органы і іншыя дзяржаўныя арганізацыі пры звароце ў Нацыянальны банк з мэтай прадаўжэння тэрмінаў завяршэння знешнегандлёвых аперацый маюць магчымасць накіроўваць неабходныя дакументы ў электронным выглядзе з дапамогай сістэмы міжведамаснага электроннага дакументаабароту дзяржаўных органаў (СМДО).

Пры гэтым згодна з Законам Рэспублікі Беларусь ад 28 снежня 2009 года № 113-З "Аб электронным дакуменце і электронным лічбавым подпісе" сапраўдны электронны дакумент прыраўноўваецца да дакумента на папяровым носьбіце, падпісаным уласнаручна, і мае аднолькавую з ім юрыдычную сілу.

Звяртаем увагу, што згодна з пунктам 8 Інструкцыі № 52 дата падачы заявы, якая прадстаўляецца па электронных каналах сувязі, лічыцца дата паступлення электроннага дакумента ў дакументальную інфармацыйную сістэму Нацыянальнага банка.

Нацыянальны банк (галоўнае ўпраўленне Нацыянальнага банка па вобласці) адмаўляе рэзідэнту ў выдачы дазволу ў наступных выпадках:

  • пры прадстаўленні заяўнікам неналежным чынам аформленых дакументаў і (або) непрадстаўлення (несвоечасовага прадстаўлення) заяўнікам дакументаў, неабходных для атрымання дазволу;
  • калі на дату падачы заявы знешнегандлёвая аперацыя фактычна рэалізавана і абавязацельствы па ёй спынены;
  • калі на дату падачы заявы перавышаны тэрмін завяршэння знешнегандлёвай аперацыі, устаноўленай заканадаўствам;
  • калі перавышаны тэрмін завяршэння знешнегандлёвай аперацыі, устаноўлены раней выдадзеным дазволам (пры звароце аб паўторным (чарговым) прадаўжэнні тэрміну);
  • калі заяўнік не выкананаў адно або некалькі ўмоў, устаноўленых Саветам Міністраў Рэспублікі Беларусь і Нацыянальным банкам.

Парадак правядзення разлікаў у знешнегандлёвай дзейнасці ўрэгуляваны Указам Прэзідэнта ад 27 сакавіка 2008 г. № 178 "Аб парадку кантролю і правядзення знешнегандлёвых аперацый" (далей – Указ), а таксама нарматыўнымі прававымі актамі, прынятымі для яго развіцця.

Так, у адпаведнасці з падпунктам 1.4 пункта 1 Указа рэзідэнты абавязаны забяспечыць завяршэнне кожнай знешнегандлёвай аперацыі ў поўным аб'ёме ў наступныя тэрміны:

  • пры экспарце, у тым ліку па дагаворах камісіі, – не пазней за 180 каляндарных дзён з даты адгрузкі тавараў (перадачы ахоўнай інфармацыі, выключных правоў на вынікі інтэлектуальнай дзейнасці), выканання работ, аказання паслуг;
  • пры выкананні будаўнічых, спецыяльных, мантажных работ і (або) аказанні паслуг у будаўніцтве (далей – выкананне (аказанне) будаўнічых работ (паслуг) на тэрыторыі Расійскай Федэрацыі па знешнегандлёвых дагаворах, звязаных з рэалізацыяй дагавораў стварэння аб'екта долевага будаўніцтва, – не пазней за дату завяршэння нарматыўнага тэрміну будаўніцтва аб'екта;
  • пры выкананні (аказанні) будаўнічых работ (паслуг) на тэрыторыі замежных дзяржаў у памеры зарэзерваваных заказчыкам да 10 працэнтаў ад агульнага кошту адпаведнага дагавора – не пазней за 30 каляндарных дзён з даты завяршэння гарантыйнага перыяду на выкананыя (аказаныя) будаўнічыя работы (паслугі);
  • пры iмпарце – не пазней за 90 каляндарных дзён з даты правядзення плацяжу.

Указам таксама прадугледжана магчымасць падоўжыць устаноўленыя тэрміны ў выпадку, калі тэрмін завяршэння знешнегандлёвай аперацыі па дагаворы перавышае ўстаноўлены Указам, або калі ў ходзе фактычнай рэалізацыі знешнегандлёвай аперацыі мяркуецца перавышэнне ўстаноўленага Указам тэрміну завяршэння знешнегандлёвых аперацый.

Выдача дазволаў ажыццяўляецца ў парадку, прадугледжаным Інструкцыяй аб парадку выдачы дазволаў на прадаўжэнне тэрмінаў завяршэння знешнегандлёвых аперацый (далей – Інструкцыя), зацверджанай пастановай Праўлення Нацыянальнага банка Рэспублікі Беларусь ад 22 красавіка 2009 г. № 52. Гэта Інструкцыя пастановай Праўлення Нацыянальнага банка Рэспублікі Беларусь ад 1 жнiўня 2018 г. № 348 "Аб унясенні змяненняў і дапаўненняў у пастанову Праўлення Нацыянальнага банка Рэспублікі Беларусь ад 22 красавіка 2009 г. № 52 "(далей – пастанова № 348) выкладзена ў новай рэдакцыі.

Звяртаем асаблівую ўвагу, што пастанова № 348 не змяніла ўстаноўленыя заканадаўствам тэрміны. Падпунктамі 4.1 і 4.2 пункта 4 Інструкцыі прадугледжана пераразмеркаванне паўнамоцтваў у прадаўжэнне тэрмінаў завяршэння знешнегандлёвых аперацый паміж галоўнымі ўпраўленнямі і цэнтральным апаратам Нацыянальнага банка.

Гэта азначае, што ўказаныя ў гэтых падпунктах Інструкцыі тэрміны (185 каляндарных дзён для экспарту і 275 каляндарных дзён для імпарту) звыш устаноўленых заканадаўствам выкарыстоўваюцца ў якасці арыенціру для вызначэння органа (Нацыянальны банк або яго галоўнае ўпраўленне па вобласці), да якога трэба звяртацца за прадаўжэннем тэрмінаў завяршэння знешнегандлёвых аперацый.

У агульным парадку гэта азначае, што суб'ектам гаспадарання, зарэгістраваным у г. Мінску і Мінскай вобласці, трэба звяртацца ў цэнтральны апарат Нацыянальнага банка незалежна ад запытанага тэрміну завяршэння знешнегандлёвай аперацыі.

Суб'ектам гаспадарання, зарэгістраваным у абласцях, як пры экспарце, так і пры імпарце трэба звяртацца:

  • калі тэрмін завяршэння знешнегандлёвай аперацыі складзе не больш за 365 дзён з даты пачатку знешнегандлёвай аперацыі – у галоўныя ўпраўленні па абласцях (па месцы рэгістрацыі);
  • калі тэрмін завяршэння знешнегандлёвай аперацыі складзе больш за 365 дзён з даты пачатку знешнегандлёвай аперацыі – у цэнтральны апарат Нацыянальнага банка.

Пры гэтым звярнуцца ўсё ж неабходна да заканчэння прадугледжаных Указам тэрмінаў.

  • дакументы не завераны подпісам кіраўніка альбо асобы ім упаўнаважанай. Пры завярэнні дакументаў іншай асобай у пакеце дакументаў не прадстаўлены дакументы, якія пацвярджаюць паўнамоцтвы гэтай асобы. Адзнаку аб завярэнні копіі дакумента мэтазгодна прастаўляць на кожным лісце, уключаючы слова "правільна", подпіс і расшыфроўку подпісу, альбо на абароце апошняга ліста прашытага і пранумараванага камплекта дакументаў;
  • плацежнае даручэнне не ўтрымлівае аднаго альбо некалькіх рэквізітаў і звестак аб знешнегандлёвых аперацыях, якія праводзяцца: рэгістрацыйнага нумара здзелкі, адзнакі аплаты, кода паступлення тавараў, подпісу плацельшчыка, адзнакі банка аб правядзенні плацяжу;
  • заяўнікам не прадстаўлены дакументы, якія з'яўляюцца неад'емнай часткай знешнегандлёвага дагавора (дапаўненні, дадаткі, спецыфікацыі і інш.), якія дазваляюць устанавіць суму знешнегандлёвага дагавора, тэрмін яго дзеяння, дату пастаўкі / аплаты тавару (работ / паслуг) і інш.;
  • пры паўторным або чарговым прадаўжэнні не прадстаўлены поўны пакет дакументаў у адпаведнасці з пералікам дакументаў згодна з дадаткам 3 да Інструкцыі.

Адрасы і кантактныя тэлефоны структурных падраздзяленняў, якія ажыццяўляюць выдачу дазволаў:


Найменне структурнага падраздзялення Нацыянальнага банка Рэспублікі Беларусь Адрас Тэлефон
Галоўнае ўпраўленне валютна-фінансавага маніторынгу Нацыянальнага банка пр. Незалежнасці, 20, 220008, г. Мінск (8 017) 215 35 06
(8 017) 327 64 30
(8 017) 215 35 04
Галоўнае ўпраўленне Нацыянальнага банка Рэспублікі Беларусь па Брэсцкай вобласці вул. Леніна, 9, 224005, г. Брэст (8 0162) 27 48 66
Галоўнае ўпраўленне Нацыянальнага банка Рэспублікі Беларусь па Віцебскай вобласці вул. Леніна, 17, 210015, г. Віцебск (8 0212) 29 74 59
(8 0212) 29 74 17
Галоўнае ўпраўленне Нацыянальнага банка Рэспублікі Беларусь па Магілёўскай вобласці вул. Ленінская, 50, 212030, г. Магілёў (8 0222) 29 93 39
(8 0222) 29 93 66
Галоўнае ўпраўленне Нацыянальнага банка Рэспублікі Беларусь па Гомельскай вобласці вул. Савецкая, 9, 246050, г. Гомель (8 0232) 38 93 31
(8 0232) 38 93 33
Галоўнае ўпраўленне Нацыянальнага банка Рэспублікі Беларусь па Гродзенскай вобласці вул. Карбышава, 17, 230023, г. Гродна (8 0152) 73 78 37
(8 0152) 73 78 38

Пералік аперацый