НАЦИОНАЛЬНЫЙ БАНК РЕСПУБЛИКИ БЕЛАРУСЬ
Контакт-центр

+375 17 306-00-02

Новости и пресс-релизы


print  Версия для печати

18.11.2010

ПРЕСС-РЕЛИЗ


Нацыянальны банк уводзiць у абарачэнне памятны банкнот "Нацыянальны банк Рэспублiкi Беларусь. 20 год" намiналам 20000 рублёў.

Нацыянальны банк Рэспублiкi Беларусь 1 снежня 2010 г. уводзiць у абарачэнне памятны банкнот "Нацыянальны банк Рэспублiкi Беларусь. 20 год" намiналам 20000 рублёў тыражом 3000 штук. Яго выпуск прысвечаны 20-годдзю стварэння галоўнай банкаўскай установы краiны.

Памятны банкнот "Нацыянальны банк Рэспублiкi Беларусь. 20 год" выраблены на аснове дваццацiтысячнай купюры, якая знаходзiцца ў абарачэннi, шляхам прыпрасоўкi на вялiкае купоннае поле банкнота галаграмы з надпiсам у чатыры радкi: НБ 20 год 1991–2011.

Памятны банкнот змешчаны ў спецыяльную ўпакоўку-буклет. На яе пярэднiм баку размешчаны надпiсы: НАЦЫЯНАЛЬНЫ БАНК РЭСПУБЛIКI БЕЛАРУСЬ, НБРБ i элементы архiтэктурнага афармлення будынка Нацыянальнага банка Рэспублiкi Беларусь, скрозь якiя бачна выява дваццацiтысячнай купюры.

На ўнутраным баку ўпакоўкi, фон якой запоўнены тымi ж элементамi архiтэктурнага афармлення будынка, прымацаваны празрысты клемташ з укладзеным у яго памятным банкнотам.

Упакоўка-буклет разам з памятным банкнотам укладваюцца ў падарункавы канверт, якi аформлены ў падобным з буклетам стылi.

Памятны банкнот "Нацыянальны банк Рэспублiкi Беларусь. 20 год" намiналам 20000 рублёў, якi выпушчаны ў абарачэнне, з’яўляецца законным плацежным сродкам Рэспублiкi Беларусь, абавязковым да прыёму па намiнальным кошце пры ўсiх вiдах плацяжоў без усялякiх абмежаванняў.




Поделиться: