Банкноты Нацыянальнага банка ўзору 2009 года, якія знаходзяцца ў абарачэнні. 50 рублёў

Лакальны паўтонавы, малюнак фрагмента асноўнай выявы пярэдняга боку банкнота.

Металізаваная аконнага (ныраючага) тыпу, якая выходзіць на паверхню пярэдняга боку ў выглядзе прамавугольнікаў. Пры разгляданні банкнота на прасвет ахоўная нітка выглядае скразной цёмнай паласой з негатыўным (светлым) тэкстам у прамой і перавернутай выяве.

Фрагмент наміналу на пярэднім баку сумяшчаецца на прасвет з фрагментам наміналу на адваротным баку, утвараючы цэласную выяву наміналу банкнота.

Комплексны элемент аховы, які складаецца з дзвюх выяў, выкананых рознымі спосабамі друкавання. Ніжняя выява выканана афсетам, а верхняя – металаграфіяй. Верхняя выява назіраецца ў адлюстраваным святле (геаметрычны ўзор), ніжняя – на правсет бачны намінал банкнота.

Пры разгляданні банкнота пад вуглом на ўзроўні вачэй у прамавугольніку бачны літары "РБ".

Асноўная выява пярэдняга боку банкнота, лічбавае і літарнае абазначэнне наміналу, тэкст "НАЦЫЯНАЛЬНЫ БАНК РЭСПУБЛІКІ БЕЛАРУСЬ" і паметка для людзей з аслабленым зрокам маюць павялічаную таўшчыню фарбавага слою, дзякуючы чаму добра ўспрымаюцца навобмацак.

На белым фоне банкнота надрукаваны элементы ў выглядзе тонкіх антыкапіравальных ліній, якія пры капіраванні або сканіраванні банкнота могуць утвараць на копіі "муар".

Тэксты БЕЛАРУСЬ, НБРБ, якія бесперапынна паўтараюцца, і лічбавае абазначэнне наміналу, аддрукаваныя на пярэднім і адваротным баках банкнота, чытаюцца пры павелічэнні.

Складаюцца з дзвюхлітарнай серыі і нумара з сямі лічбаў, якія маюць розную вышыню, выкананы высокім спосабам друкавання (пры гэтым у кожнай двухлітарнай серыі будзе прысутнічаць адзін банкнот з васьмю знакамі – 10000000).

Паметка для людзей з аслабленым зрокам – геаметрычная фігура мае павялічаную таўшчыню фарбавага слою, дзякуючы чаму добра ўспрымаецца навобмацак.

Пярэдні бок: люмінесцыруюць ахоўныя валокны жоўта-зялёным колерам. Адваротны бок: люмінесцыруе прамавугольнік зялёнага колеру з лічбай "50", гарызантальны серыйны нумар – зялёным колерам і ахоўныя валокны – жоўта-зялёным колерам.