Адпускныя цэны на памятныя банкноты, выпушчаныя ў абарачэнне Нацыянальным банкам Рэспублікі Беларусь

Памятныя банкноты Нацыянальнага банка Рэспублікі Беларусь рэалізуюцца толькі на тэрыторыі Рэспублікі Беларусь. Адпраўка па пошце ў межах і за межы тэрыторыі Рэспублікі Беларусь не выконваецца.

Адпускныя цэны, размешчаныя на гэтай старонцы, носяць даведачна-інфармацыйны характар.

Атрымаць інфармацыю аб наяўнасці памятных банкнотаў у касах Нацыянальнага банка можна па спасылцы.

Продаж Нацыянальным банкам камплектаў памятных банкнотаў банкам і юрыдычным асобам ажыццяўляецца па адпускных цэнах у безнаяўным парадку на ўмовах папярэдняй аплаты на падставе заяўкі, накіраванай банкам або юрыдычнай асобай і якая змяшчае наступную інфармацыю:

• назвы камплектаў памятных банкнотаў;
• колькасць;
• намінал;
• плацежныя рэквізіты пакупніка;
• спосаб дастаўкі (атрымання) камплектаў памятных банкнотаў.

Заяўка на куплю камплектаў памятных банкнотаў накіроўваецца банкам або юрыдычнай асобай у Нацыянальны банк на папяровым носьбіце альбо пры дапамозе факсімільнай сувязі з наступнай дасылкай арыгінала заяўкі па пошце.