• Галоўная
• → Фінансавая стабільнасць
  • Агульныя звесткі
  • Маніторынг фінансавай стабільнасці
  • Макрапрудэнцыяльнае рэгуляванне
• → Макрапрудэнцыяльнае рэгуляванне
  • Агульныя звесткі
  • Контрцыклічны буфер
  • Буфер сістэмнай значнасці
  • Інструменты абмежавання пазыковай нагрузкі фізічных асоб
  • Разліковыя велічыні стандартнай рызыкі
→
• Разліковыя велічыні стандартнай рызыкі

Разліковыя велічыні стандартнай рызыкі

З 1 сакавіка 2019 г. Нацыянальны банк увёў у дзеянне сістэму мер макрапрудэнцыяльнага характару, накіраваную на абмежаванне сістэмнай рызыкі, якая генерыруецца бізнес-мадэлямі банкаў з павышаным рызыка-апетытам.

У аснове гэтай сістэмы мер ляжыць падыход, у адпаведнасці з якім да банкаў, якія рэалізуюць такія бізнес-мадэлі, прымяняюцца павышаныя рэгулятарныя патрабаванні ў галіне дастатковасці капіталу, фарміравання спецыяльных рэзерваў на пакрыццё магчымых страт і фарміравання фонду абавязковых рэзерваў. У якасці індыкатара, які ўказвае на павышаны ўзровень рызыкі, бізнес-мадэляў, што рэалізуюцца банкамі, выкарыстоўваецца перавышэнне працэнтных ставак па новых банкаўскіх укладах (дэпазітах), якія ўстанаўліваюцца банкамі, крэдытах і эмітаваных аблігацыях над адпаведнымі разліковымі велічынямі стандартнай рызыкі (далей – РВСР).

РВСР разлічваюцца Нацыянальным банкам не радзей за адзін раз у тры месяцы на аснове сярэдніх працэнтных ставак, устаноўленых сістэмна значнымі банкамі першай групы значнасці за месяц, які папярэднiчае месяцу разліку, па фінансавых інструментах крэдытна-дэпазітнага рынку ў нацыянальнай валюце з наступнага пераліку:

• новыя тэрміновыя адзыўныя банкаўскія уклады (дэпазіты) фізічных асоб;
• новыя тэрміновыя безадзыўныя банкаўскія уклады (дэпазіты) фізічных асоб (з тэрмінам вяртання ад 1 да 6 месяцаў уключна, ад 6 месяцаў да 1 года ўключна, больш за 1 год);
• новыя крэдыты, прадастаўленыя фізічным і юрыдычным асобам (за выключэннем крэдытаў, прадастаўленых на льготных умовах па рашэннях Прэзідэнта Рэспублікі Беларусь, Урада Рэспублікі Беларусь, за кошт сродкаў рэспубліканскіх органаў дзяржаўнага кіравання, мясцовых выканаўчых і распарадчых органаў).

У аснове алгарытму разліку РВСР ляжыць сярэдняе арыфметычнае, а таксама мера варыяцыі працэнтных ставак, якія прымаюцца ў разлік.

РВСР для новых тэрміновых банкаўскіх укладаў (дэпазітаў) разлічваецца на аснове даных аб сярэдніх працэнтных стаўках па новых тэрміновых банкаўскіх укладах (дэпазітах) фізічных асоб і прымяняецца для новых тэрміновых банкаўскіх укладаў (дэпазітаў) фізічных і юрыдычных асоб.

Пры прымяненні РВСР для новых крэдытаў, прадастаўленых фізічным і юрыдычным асобам (за выключэннем крэдытаў, прадастаўленых на льготных умовах па рашэннях Прэзідэнта Рэспублікі Беларусь, Урада Рэспублікі Беларусь, за кошт сродкаў рэспубліканскіх органаў дзяржаўнага кіравання, мясцовых выканаўчых і распарадчых органаў), выкарыстоўваецца паказчык "сярэдняя працэнтная стаўка за перыяд карыстання новым крэдытам".

Табліца – Значэнні разліковых велічынь стандартнай рызыкі, працэнты гадавых